بلاگنگ کا شوق ایسا کہ فضول کاموں سے فرصت ملجاتی ہے، کوئی بلاگر دن میں چار پوسٹ لکھ دے اور کوئی ہفتے میں ایک بار ـ کئی بلاگرز ایسے بھی ہیں جو روزانہ لکھنے کے باوجود کسی وجہ سے بلاگنگ کو ہی خیرباد کہہ کر ہمیشہ کیلئے لکھنا چھوڑ دیا ـ آج انٹرنیٹ پر دیکھا جائے تو ہندی بلاگز کی تعداد 600 سے تجاوز ہے مگر افسوس کہ روزانہ لکھنے والوں کی تعداد 200 بھی نہیں ـ ہندی بلاگ کمیونٹی کیلئے یہ نہایت خوشی کی بات ہے کہ پچھلے دنوں مائکروسافٹ انڈیا نے دو بلاگرز کو بہترین ہندی بلاگرز کا پُرسکار دیا اور اسی کے ساتھ بھارتی اخباروں نے ہندی بلاگ کمیونٹی پر مختلف مضامین لکھے اور کمیونٹی کے کارناموں کو خوب سراہا ـ دوسری طرف CNBC انڈیا ٹیلیویژن نے اپنے لائیو نشریات میں ہندی بلاگنگ پر پروگرام بھی نشر کئے جس میں بہت سارے ہندی بلاگرز بھی مدعو تھے ـ

ہندی بلاگرز میٹ

ہندی بلاگ کمیونٹی کے روشن ستارے جناب جتیندر چودھری (کمیوٹر پروگرامر، کویت) کی کاوشوں سے گذشتہ ہفتہ پہلی بار ’’ہندی بلاگر میٹ‘‘ کا اہتمام جئے پور میں کیا، جس میں بھارت کے علاوہ مختلف ممالک سے ہندی بلاگرز نے شرکت کی اور خوب سیر سپاٹہ بھی کیا یعنی اس جوڑ کو ’’ہندی بلاگرز موج مستی میٹ‘‘ کا نام دیا ہے ـ جناب امیت گُپتا (ہندی کمپیوٹنگ ماسٹر) نے اِس میٹ کی صدارت کی ـ سبھی بلاگرز نے پہلی بار ایکدوسرے ساتھی بلاگرز کو دیکھ کر بیحد خوشی کا اظہار کیا اور دہلی سے موج مستی کرتے ہوئے تاریخی شہر جئے پور پہنچے جہاں ہندی بلاگنگ، ہندی کمپیوٹنگ، ہندی کے نئے یونیکوڈ فونٹس، ہندی ادب و شاعری اور ہر سال ہندی بلاگرز کا باقاعدہ جوڑ وغیرہ پر بحث چلی ساتھ ہی عملی کام کیلئے ایک باقاعدہ ٹیم کو بھی تشکیل دیا جسکی تفصیل جتیندر چودھری صاحب کے بلاگ پر خود اپنے مزاحیہ انداز میں لکھا ہے اور بھی تفصیل یہاں اور یہاں تصویروں اور ویڈیو کے ساتھ موجود ہے ـ

چند ہندی چِٹّھے (بلاگز)

Mera Panna , Edher Udher ki , Duniya meri Nazar se

HindiBlog , Hindini , Jugadi Links , Phursatia , Mirchi Saith

Mumbai Blog , Udan Teshtri , Shuaib-hindi

Kalpana , Aina , Shunya , Kahi Unkahi

پچھلے تین سالوں سے ہماری رہائش گاہ شارجہ کے اُس علاقے میں ہے جو پورے امارات کا سب سے خوبصورت اور شفاف مانا جاتا ہے ـ مگر اب بلدیہ شارجہ بھی حکومت دبئی کی طرح ہم بیچلرس کو یہ جگہ چھوڑنے پر مجبور کر رہی ہے، اب یہاں صرف فیملیز والے ہی رہیں گے ـ درمیان میں کورنیش، اطراف قطاروں میں بلند و بالا عمارتیں جیسے جنگل میں گھنے درخت، چوڑی سڑکیں، دنیا بھر کی عالیشان ریسٹورنٹس ـ ہماری قیامگاہ جو اٹھارہ منزلے والی بلڈنگ میں آٹھویں فلور پر ہے، میرے بیڈ روم کی کھڑکی سے ایسا خوبصورت نظارہ دیکھنے کو ملتا ہے شاید ہی میں نے کبھی دیکھا ہو ـ سامنے کورنیش اُسکے اطراف خوبصورت پارک جس پر کھجور کے درخت پھر سڑک کے کنارے بلڈنگ میں ہماری رہائشگاہ ـ اور دوسرے کمرے کی کھڑکی سے کھلا سمندر صاف دکھائی دیتا ہے اور اُسکے کنارے دبئی جانے والی شاہراہ پر قطاروں میں رینگتی ہوئی گاڑیاں، روڈ کے داہنے جانب چھوٹا ریگستان آگے فلائی اوور پھر یہاں سے دبئی کی شروعات ـ شارجہ اور دبئی کے انسڈسٹریل ایئریا میں کنسٹریکشن کا کام زوروں پر، پتہ چلا یہی ہم بیچلرس کی رہائشگاہ ہوگی جہاں دور دور تک صرف اور صرف انڈسٹریاں ہی انڈسٹریاں ہیں اور باقی کچھ نہیں ـ ہماری کمپنی نے اپنا ہیڈکوارٹر جو اب تک شارجہ میں ہے، دبئی کے فری زون میں شفٹ کرنے کا پلان بنالیا ہے یعنی کہ وہاں بھی سوکھا، دور دور تک دنیا بھر کی کمپنیاں، کارخانے اور چاروں طرف مٹی کا ریگستان جیسے جنگل میں منگل ـ کل ہی اخباروں میں خبر دی ہے کہ دنیا بھر کے پچیس فیصد کرین صرف دبئی میں ہیں یعنی کہ ہانگ کانگ، بنکاک، سنگا پور کے بعد اب سب سے زیادہ کنسٹریکشن کا کام دبئی اور شارجہ میں ہو رہا ہے ـ دھیرے دھیرے یہاں کے ریگستان بھی چھوٹے ہوتے جا رہے ہیں یہاں تک کہ سمندر پر بھی مصنوعی جزیرے بچھا کر عالیشان عمارتیں، پتہ نہیں اِس چھوٹے سے ملک کو کیا بنانے جا رہے ہیں؟؟